Baat Go Zara Si Hai


Amjad Islam Amjad ki aik khubsurat nazam

Zindagi Kay Melay MeiN
KhwahishooN Kay Railay MeiN
Tum Se Kiya KahaiN JanaaN
Es Qadar Jhamailay MeiN

Waqt Ki Ravaani Hai
Bakht Ki Girani Hai
Sakht Bay-Zameeni Hay
Sakht La-makani Hai

Hijr Kay Samandar MeiN
Takht Aur Takhtay Ki
Ek Hi Kahani Hai
Tum Ko Jo Sunani Hai

Baat Go Zara Si Hai
Baat Umr Bhar Ki Hai

Umr Bhar Ki BaataiN Kab
Do Ghari MeiN Hoti HeiN
Dard Kay Samandar MeiN
Un-Ginat Jazeeray HeiN
Bayshumaar Moti HeiN

Aankh Kay Jazeeray MeiN
Tum Ne Jo Sajaya Tha
Baat Us Diyay Ki Hai
Baat Us Gilay Ki Hai

Jo Lahoo Ki Khilvat MeiN
Chor Ban Kay Aata Hai
Lafz Ki FaseelooN Par
Toot Toot Jaata Hai

Zindagi Se Lambi Hai
Baat Takhliyay Ki Hai

Takhliyay Ki BaatoN MeiN
Guftagoo Izaafi Hai
Piyar Karnay WalooN Ko
Ek Nigah Hi Kafi Hai

Ho Sakay To Sun Ja’oo
Ek Din Akailay MeiN
Tum Se Kiya KahaiN JannaN
Es Qadar Jamailay MeiN!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s